Hópkynlíf í jólateiti United?

Breska blaðið Sun hefur nú birt nýja safaríka sögu úr dramatísku jólateiti Manchester United á hóteli þar í borg á dögunum. Vitni hefur komið fram og segir þrjá leikmenn United - ásamt þremur mönnum til viðbótar - hafa átt kynferðislegt samneyti við unga stúlku.

Vitni Sun segist hafa heyrt stunur og fagnaðaróp úr herbergi við hliðina og skömmu síðar hafi ung og gullfalleg stúlka gengið út úr herberginu ásamt fimm eða sex mönnum. Þrír þessara manna hafi verið leikmenn United - einn þeirra "vel þekktur."

Stunur og hróp heyrðust úr herberginu að sögn vitnisins og heyra mátti hvatningaröskur mannanna og stunur stúlkunnar, sem leit út fyrir að vera um 19 ára gömul að sögn vitnisins.

Vitnið spurði stúlkuna hvort væri í lagi með hana, en hún montaði sig af því að mennirnir hefðu sagt henni að hún væri frábær í rúminu og haltraði svo niður stigann.

Fyrir nokkru kærði 26 ára gömul stúlka einn af leikmönnum United, Jonathan Evans, fyrir nauðgun í þessu sama jólateiti, þar sem um 100 glanspíur komu saman til að skemmta sér með leikmönnum - og ekki ein einasta kona eða kærasta leikmanna ef marka má Sun.