Air Arabia ætlar að stækka flugflota sinn um allt að 50 vélar

Air Arabia, stærsta lágfargjaldaflugfélag Mið-Austurlanda, ætlar að stækka flota sinn um allt að 50 vélar í nóvember eftir mánaðalangar samningaviðræður við Airbus og Boeing. Í júní tilkynnti félagið að það hefði ákveðið að kaupa 34 flugvélar, annað hvort af gerðinni Boeing 737 eða Airbus A320. "Við erum að undirbúa kaup á 34 - 50 vélum beint frá framleiðendum í nóvember," sagði Adel Ali, forstjóri fyrirtækisins, í morgun. Hann neitaði að upplýsa um það hvaða flugframleiðanda hann hefði valið.