Nelson bannað að drekka bjór

Don Nelson, þjálfari Golden State Warriors, hefur verið beðinn um að hætta að drekka bjór á blaðamannfundum eftir leiki liðsins í úrslitakeppninni í NBA. Nelson opnaði dós af Bud Light og drakk á blaðamannafundum eftir leikina við Dallas og þótti forráðamönnum deildarinnar þetta ekki við hæfi.

Talsmaður Golden State segir að þjálfarinn muni láta af þessari iðju framvegis, en talið er að það hafi fyllt mælinn hjá ráðamönnum deildarinnar þegar Nelson skálaði fyrir Charles Barkley í beinni útsendingu TNT eftir að Golden State sló Dallas úr keppni á dögunum. "Skál fyrir Chucksternum," sagði Nelson í myndavélarnar.