Viðskipti stöðvuð með Mosaic Fashions

Viðskipti voru stöðvuð með Mosaic Fashions í Kauphöllinni í morgun og frétt sögð væntanleg. Í Morgunkorni Glitnis er greint frá því að stjórn Mosaic Fashions hafi tekið á móti óbindandi kauptilboði í alla útgefna hluti í félaginu frá Baugi Group í byrjun maí.

„Við teljum líklegt að nú sé um formlegt kauptilboð að ræða," segja Glitnismenn. Baugur bauð hluthöfum 17,5 kr. á hlut í maí en verð félagsins stendur nú í 16,85 kr. á hlut. „Ávöxtun á bréfum félagsins hefur verið undir væntingum fjárfesta og áhugi farið minnkandi eftir sveiflukennd uppgjör í kjölfar hraðs ytri vaxtar og meðfylgjandi skuldaaukningar," segir einni í Morgunkorninu.