Schumacher snýr aftur

Sjöfaldur heimsmeistarinn Michael Schumacher hefur ákveðið að setjast við stýrið hjá Ferrari á ný og hefur samþykkt að aðstoða liðið við bílprófanir í Barcelona í næstu viku, Talsmaður kappans útilokar þó að þýski ökuþórinn ætli að byrja að keppa í Formúlu á ný.

"Þetta er væntanlega einstakt dæmi, því Michael hefur engan hug á því að snúa aftur til keppni," sagði talsmaður hans í samtali við breska sjónvarpið. "Bílprófanir eru einfaldlega partur af samningi hans við Ferrari - en í samningnum segir að hann muni hjálpa liðinu eins og hann getur á öllum sviðum."