Eyrir hagnaðist um 2,2 milljarða

Fjárfestingafélagið Eyrir Invest hagnaðist um 2,2 milljarða eftir skatt á fyrri hluta ársins 2007 en tilkynning þess efnis barst Kauphöllinni í dag. Í tilkynningunni kemur fram að eigið fé félagsins hafi aukist um 65% frá áramótum vegan góðs hagnaðar og hlutafjáraukningar.

"Afkoma Eyris Invest á fyrri hluta ársins er góð. Árið hefur einkennst af

miklum breytingum í kjölfestueignum okkar, Marel Food Systems og Össuri, og hefur markast af yfirtökum og samþættingarvinnu í rekstri. Samþættingarvinna sem er nú þegar komin vel af stað innan félaganna mun auka raunvirði þeirra umtalsvert á komandi árum," segir Árni Oddur Þórðarson, forstjóri Eyris, í tilkynningunni en hann er stærsti hlutahfi félagsins ásamt föður sínum Þórði Magnússyni.