Nokia er umhverfisvænst

Farsímaframleiðandinn Nokia er umhverfisvænsti raftækjaframleiðandinn samkvæmt nýjum lista frá Greenpeace. Sony er á botninum í fjórtánda og síðasta sæti listans.

Nokia fékk átta af tíu á skala Greenpeace. Félagið stendur sig sérstaklega vel í því að eyða eiturefnum úr vörum sínum, sem er mikilvægasti þátturinn að mati Greenpeace.

Fyrirtæki voru mæld eftir vilja þeirra til að eyða eiturefnum úr vörum sínum og vilja til að endurvinna vörurnar þegar búið er að hreinsa þær. Sony stendur sig ekki nógu vel á þeim sviðum og fékk fjóra af tíu hjá Greenpeace.

Apple sem áður hefur verið á botni listans fékk hrós í þetta skipti. „Apple hefur bætt sig á mörgum sviðum," segir skýrslu sem fylgdi úttektinni, Apple er nú í 11. sæti.

„Það hefur komið skemmtilega á óvart hvað mörg félög hafa verið fljót að taka áskoruninni. Sérstaklega að sumir framkvæmdarstjórar skuli opinberlega stefna á efsta græna sætið," segir í yfirlýsingu frá Greenpeace.

Listinn:

1. Nokia

2. Dell

3. Lenovo

4. Sony Ericsson

5. Samsung

6. Motorola

7= Toshiba

7= Fujitsu Siemens

9. Acer

10. HP

11. Apple

12. Panasonic

13. LGE

14. Sony