Actavis fær leyfi fyrir þvagfæralyfi í Bandaríkjunum

Actavis hefur hafið sölu á þvagfæralyfinu Finasteride í Bandaríkjunum eftir að félagið fékk samþykki bandarísku matvæla- og lyfjastofnunarinnar fyrir því að markaðssetja það.

Eftir því sem fram kemur í tilkynningu frá Actavis er þetta sjötta samheitalyfið sem félagið markaðssetur í Bandaríkjunum á þessu ári en ætlunin er að koma með 18-20 lyf á markaðinn í ár. Finasteride er notað við góðkynja stækkun í blöðruhálskirtli. Actavis er í hópi fimm samheitalyfjafyrirtækja sem hafa markaðssett lyfið en einkaleyfið rann út í júní í fyrra.