Viðskipti innlent

Ingvar Helgason kaupir AVIS og Budget

Ingvar Helgason hefur keypt fyrirtækið ALP sem rekur bílaleigurnar AVIS og Budget á Íslandi. Fram kemur í tilkynningu frá félögunum að stofnað verði sérstakt eignarhaldsfélag um þessa fjárfestingu.

Kaupverð er sagt trúnaðarmál og eru kaupin gerð með fyrirvara um áreiðanleikakönnun og samþykki AVIS/Budget, eiganda vörumerkja AVIS og Budget, sem ALP er umboðsaðili fyrir.

ALP hefur verið í eigu fjárfesta undir forystu Hjálmars Péturssonar undanfarin þrjú ár en hann er jafnframt framkvæmdastjóri þess. Á þessum tíma hefur mikill vöxtur verið í starfsemi bílaleiganna en samanlagður bílafloti er nú tæplega 1.200 bílar.

Þá eru Avis og Budget meðal þekktustu bílaleiga heims og reka um 6.300 leigustöðvar í 160 löndum.



Mest lesið


Fleiri fréttir

Sjá meira


×

Mest lesið