Vilja virkja grasrótina

Samstaða, baráttusamtök um bætta umferðarmenningu, hvetja alla til að skrá sig í samtökin og vinna að fækkun alvarlegra umferðarslysa. Samtökin voru stofnuð í kjölfar slysaöldu á síðasta ári.

Ekkert banaslys hefur orðið í umferðinni það sem af er þessu ári og hefur alvarlegum meiðslum á fólki fækkað. Steinþór Jónsson formaður samtakanna segir í fréttatilkynningu að það sé góð byrjun á löngu verkefni.

Félag íslenskra bifreiðaeigenda hvetur almenning að leggja málefninu lið með því að skrá sig á heimasíðu samtakanna.