Minnstu olíufélögin sjá um skip ríkisins

Tvö minnstu olíufélögin Atlantsolía í Hafnarfirði og Íslensk olíumiðlun í Neskaupstað voru hlutskörpust í útboði ríkisins á olíu til varðskipa og hafrannsóknaskipa og hefur ríkið samið við þau.

Atlantsolía annast afgreiðslu til þessara skipa í Faxaflóahöfnum. Þetta mun vera í fyrsta sinn sem félagið fær tækifæri til að taka þátt í útboði hjá ríkinu, og er þess skemmst að minnast að ríkið endurnýjaði samninga um bensínkaup á bílaflota ríkisins við gömlu olíufélögin í fyrra, án útboðs.