Harrington sigraði á opna breska

Predraig Harrington vann í dag sigur á opna breska meistaramótinu í golfi eftir æsispennandi bráðabana við Spánverjann Sergio Garcia. Þetta var fyrsti sigur Harrington á stórmóti á ferlinum og var hann jafnframt fyrsti Írinn til að vinna sigur á mótinu í 60 ár.

Sergio Garcia hafði verið í forystunni í allan dag og var mest með fjögurra högga forystu á lokahringnum. Harrington náði eins höggs forystu á 18. holunni í dag en fékk tvöfaldan skolla og því varð að grípa til bráðabana.

Harrington og Garcia léku á sjö undir í dag en höggi þar á eftir kom Argentínumaðurinn Anders Romeo sem náði tíu fuglum á lokahringnum og lék einstaklega vel.