Kvikmyndaframleiðandinn Steven Spielberg segir að hann muni mögulega hætta sem listrænn ráðgjafi Ólympíuleikanna í Peking 2008 ef Kína tekur ekki harðar á málum í Súdan.
Kína hefur mikilla olíuviðskiptahagsmuna að gæta í Súdan en stjórnvöld í Kína hafa verið gagnrýnd fyrir að senda ekki friðargæsluliða Sameinuðu þjóðanna til Darfur til að stuðla að því að bundinn verði endi á ofbeldið í héraðinu.
Mannréttindasamtök hafa einnig ásakað stjórnvöld í Kína um að selja vopn til Súdan sem síðan enda í Darfur.
Spielberg sem er einn af mörgum ráðgjöfum leikanna á næsta ári mun taka ákvörðun um hvort hann haldi starfinu áfram á næstu vikum. Andy Spahn, talsmaður Spielbergs, segir hann reyna að nota leikana til að þrýsta á stjórnvöld í Kína.
