Risaslagur í þýska handboltanum í kvöld

Stórleikur Gummersbach og Kiel í þýska handboltanum verður sýndur í beinni útsendingu á sjónvarpsstöðinni Sýn klukkan 18:25 í kvöld. Hér er á ferðinni sannkallaður toppleikur þar sem lærisveinar Alfreðs Gíslasonar sem sitja í fjórða sæti deildarinnar taka á móti efsta liðinu Kiel.

Guðjón Guðmundsson lýsir leiknum beint í kvöld og gaman verður að sjá hvernig Guðjóni Val Sigurðssyni og félögum gengur að eiga við toppliðið, sem hefur aðeins tapað tveimur leikjum í allan vetur. Leikurinn fer fram í Kölnarena og búist er við 19.400 áhorfendum.