Páfi stappar stálinu í Pólverja

Benedikt páfi skoraði á pólska kaþólikka til þess að herða sig í ljósi áfalla sem pólska kirkjan hefur orðið fyrir undanfarið. Einn biskup og annar prestur hafa sagt af sér á stuttum tíma í Póllandi vegna þess að upp komst að þeir hefðu verið njósnarar fyrir kommúnistaflokk landsins á tímum Kalda stríðsins.

Pólska dagblaðið Dziennik skýrði síðan frá því í dag að búast mætti við frekari ásökunum á fleiri presta og jafnvel einhverja biskupa. Sagnfræðingar segja að það geti verið að allt að 10% pólsku prestastéttarinnar hafi starfað með með kommúnistum.