Hlýðnir reykingamenn

Gestir veitinga- og skemmtistaða létu fæstir á sig fá að þurfa að standa úti í nótt til að fá sér að reykja. Svo virðist sem flestir hafi virt bannið þótt fólk sé missátt við það.

Flestir veitinga- og skemmtihúsaeigendur hleyptu fólki út á stétt fyrir utan staðina til að reykja. Einhverjir bættu þó um betur og settu upp sérstaka reykingaraðstöðu við staði sína. Nokkuð skiptar skoðanir voru um bannið hjá þeim sem fréttastofan ræddi við í nótt. Sumir eru ánægðir með að fá frískara loft inn á staðina en aðrir kvíða þess að þurfa að reykja úti í vetur.