FL með Donald Trump

FL Group hefur fjárfest í fjórum fasteignaverkefnum í Bandaríkjunum fyrir 50 milljónir Bandaríkjadala, jafnvirði rúmlega 3,1 milljarðs íslenskra króna. Verkefnin eru í samstarfi við alþjóðlega fasteigna­félagið Bayrock Group.

Meðal verkefnanna er bygging fimm stjörnu hótels í Soho-hverfinu á Manhattan í New York og annars á ströndinni í Fort Lauderdale en bæði eru þau í samstarfi við auðjöfurinn Donald Trump. Hin tvö eru þróun þrettán ekru landsvæðis í Queens í New York, en þar stendur til að byggja lúxusíbúðir, og fimm stjörnu hótel­bygging í Phoenix í Arizona-ríki.

Áætlað er að verkefnunum ljúki innan þriggja ára.