Viðskipti innlent

LOGOS kostar stöðu lektors í HÍ

Kristín Ingólfsdóttir, rektor Háskóla Íslands, Gunnar Sturluson, framkvæmdastjóri LOGOS, og Páll Hreinsson, forseti lagadeildar Háskóla Íslands, takast í hendur við undirritun samningsins.
Kristín Ingólfsdóttir, rektor Háskóla Íslands, Gunnar Sturluson, framkvæmdastjóri LOGOS, og Páll Hreinsson, forseti lagadeildar Háskóla Íslands, takast í hendur við undirritun samningsins.

LOGOS lögmannsþjónusta kostar stöðu lektors við lagadeild Háskóla Íslands næstu þrjú árin. Kristín Ingólfsdóttir rektor, Páll Hreinsson, forseti lagadeildar, og Gunnar Sturluson, framkvæmdastjóri LOGOS, undirrituðu samning þessa efnis í gær.

Kostnaður LOGOS vegna þessa nemur um 15 milljónum króna en markmiðið er að efla kennslu og rannsóknir við lagadeild Háskóla Íslands á sviði stjórnsýsluréttar með áherslu á reglur um eftirlit stjórnvalda með starfsemi á fjármálamarkaði, að því er segir í tilkynningu.

LOGOS fagnar aldarafmæli á þessu ári og er samningurinn við HÍ þáttur í því að minnast tímamótanna.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×