Viðskipti innlent

Ósamræmi í túlkun kærunefndar

Jónas Fr. Jónsson forstjóri FME Fjármálaeftirlitið er ósammála túlkun kærunefndar á 64. gr. laga um verðbréfaviðskipti. FME segir niðurstöðu nefndarinnar ganga gegn framkvæmd á markaði auk áralangrar túlkunar FME og Kauphallarinnar.
Jónas Fr. Jónsson forstjóri FME Fjármálaeftirlitið er ósammála túlkun kærunefndar á 64. gr. laga um verðbréfaviðskipti. FME segir niðurstöðu nefndarinnar ganga gegn framkvæmd á markaði auk áralangrar túlkunar FME og Kauphallarinnar.

Niðurstaða kærunefndar um fjármálastarfsemi að viðskipti útgefanda með eigin bréf falli ekki undir birtingarskyld viðskipti er í ósamræmi við framkvæmd á markaði og áralanga túlkun Kauphallar Íslands og Fjármálaeftirlitsins (FME), segir Íris Arna Jóhannesdóttir lögfræðingur hjá FME.

Málavextir eru þeir að félag í Kauphöllinni átti viðskipti með eigin bréf en tilkynnti þau ekki til Kauphallarinnar fyrr en daginn eftir. Taldi Fjármálaeftirlitið að samkvæmt 64. gr laga um verðbréfaviðskipti bæri að tilkynna slík viðskipti þegar í stað til Kauphallarinnar og sektaði viðkomandi félag um tvö hundruð þúsund krónur. Kærunefndin komst hins vegar að þeirri niðurstöðu að viðskipti útgefenda með eigin bréf falli ekki undir birtingarskyld viðskipti samkvæmt 64. gr. laganna. Þeirri túlkun hefur Fjármálaeftirlitið nú vísað til dómstóla.

Íris Arna segir þó aðgerðir Fjármálaeftirlitsins ekki til marks um harðari afstöðu þess. "Markaðurinn hefur starfað samkvæmt okkar túlkun en kærunefndin tekur upp hjá sjálfri sér að ganga gegn þeirri túlkun. Við viljum eyða allri óvissu og teljum nauðsynlegt að fá úr þessu skorið."



Mest lesið


Fleiri fréttir

Sjá meira


×

Mest lesið