Glitnir mátti kaupa

Samkeppniseftirlitið hefur komist að þeirri niðurstöðu að ekki sé ástæða til að hafast að vegna samruna Glitnis banka og Kreditkorta hf. Í mars keypti Glitnir 19,95 prósenta hlut af tuttugu prósenta hlut Kaupþings banka í Kreditkortum hf. Á sama tíma seldi bankinn Kaupþingi 18,45 prósent af 18,50 prósenta hlutafjáreign sinni í VISA Ísland - Greiðslumiðlun hf. Glitnir var eftir kaupin eigandi 54,95 prósent alls hlutafjár í Kreditkortum hf. Eftir skoðun komst Samkeppniseftirlitið að þeirri niðurstöðu að við kaupin hafi ekki myndast markaðsráðandi staða á skilgreindum mörkuðum eða að slík staða styrkist.