Saksóknari í Egyptalandi hefur ákært 14 starfsmenn lestarfélags landsins fyrir vítaverða vanrækslu vegna lestarslyss við Kaíró í síðasta mánuði. 58 manns létust þegar tvær lestir skullu saman.
Starfsmönnunum er gefið að sök að hafa vitað um bilun í merkjasendingabúnaði en leitt viðgerðir á honum hjá sér. Lestir í Egyptalandi eru þekktar fyrir slælegt öryggi og banaslys þeim tengd eru mörg á hverju ári.
