Fólk óþarft við lyfjaprófun?

Það kann að verða óþarft að nota fólk við prófun á lyfjum í allra nánustu framtíð. Nokkur lyfjafyrirtæki hafa þegar tekið í notkun tölvubúnað sem líkir eftir líffræðilegum ferlum í fólki og getur þannig sagt til um hugsanlega virkni lyfja sem verið er að þróa. Með þessari aðferð er einnig hægt að ákvarða áhrif mismunandi skammtastærða á fólk og því ekki þörf á að prófa lyf á fjölmörgum viðmiðunarhópum. Tæknin hefur þegar komið sér vel við þróun á lyfjum við lifrarbólgu, svo dæmi sé tekið. Hún er þó skammt á veg kominn enda fjölmargir kvillar sem enn er engin leið að líkja eftir í tölvu. Með tíð og tíma er jafnvel vonast til að ekki verði einungis hægt að prófa lyf með þessum hætti heldur verði jafnvel hægt að þróa lyf frá grunni með því að nota tölvubúnað.