Óæt humarsúpa í öll mál 13. október 2005 19:12 "Ég er eiginlega bara afleitur í eldhúsinu, sem sannaðist best um daginn þegar ég var að flytja og tæma frystinn," segir Þórður, kallaður Doddi. "Í ljós komu tveir pokar af humri í frystinum svo ég ákvað að gera eitthvað meiriháttar úr honum. Ég eyddi fimm klukkutímum í þetta og árangurinn var versta súpa í heimi, sem allir neita að að borða, en verður samt í öll mál þangað til hún klárast. Maður hendir ekki humar," segir Doddi ákveðinn. Doddi var vanur að leita til ömmu sinnar og afa þegar hann þurfti ráðleggingar í matreiðslunni, en nú eru þau bæði fallin frá. "Ég fékk einhvern tíma humaruppskrift hjá ömmu, en ég mundi hana greinlega ekki nógu vel. Svo var þessi humar nú ekki alveg fyrsta flokks heldur." Doddi er mikill matmaður en borðar ekki sérstaklega hollan mat. "Mér finnst skyndibitinn bestur og svo auðvitað góðar steikur með feitum sósum.Nú er runninn upp tíminn þegar allt er grillað, það liggur við að coca puffsinu sé hent á grillið á morgnana. En ég er ekki einu sinni mjög velkominn við grillið. Mig langaði alveg að vera svona karl sem er alltaf að snúa við steikum í garðinum en konan mín treystir mér greinilega ekki nógu vel og sér um grillið sjálf." Doddi er með morgunþátt milli sjö og tíu á morgnana á Kiss FM 89,5 og svo spilar hann danslög á sömu stöð á laugardagskvöldum. "Ég er einn í morgunþættinum, en með nokkra fasta pósta. Þetta eru sérfræðingar í tísku, rómantík og erótík og svo er ég með stelpu sem hefur ekkert vit á fótbolta sem sér um enska boltann. Danslögin á laugardagskvöldum eru stuðlög síðastliðinna tíu ára og nú þegar ég er laus við samkeppnina frá Gísla Marteini og Spaugstofunni býst ég við landsmenn séu bara límdir við danslögin." Matur Mest lesið Trylltist þegar hún varð fyrir árás byssumanna í Ríó Lífið Segir af sér eftir að Coldplay kom óvart upp um framhjáhaldið Lífið Stór saga í litlum umbúðum: „Barnæskan mín er greypt í minnið“ Lífið „Nú eruð þið farin að draga mig aftur inn í pólitíska umræðu“ Lífið Ingvar E. valinn besti leikarinn í Grikklandi Bíó og sjónvarp Grátbað um að fá að deyja en fagnar nú öllum framförum Lífið Krakkatían: Barbie, forseti og flugstöð Lífið Sætar og seiðandi einhleypar sumarskvísur Lífið Óskandi að það væru fleiri börn með Downs á Íslandi Lífið Millie Bobby Brown í hóp Íslandsvina Lífið Fleiri fréttir Óbarinn, með smjörklípu eða tabasco sósu: Alls konar harðfiskur fyrir útileguna Setur heilsuna í fyrsta sæti í sumar Sjá meira
"Ég er eiginlega bara afleitur í eldhúsinu, sem sannaðist best um daginn þegar ég var að flytja og tæma frystinn," segir Þórður, kallaður Doddi. "Í ljós komu tveir pokar af humri í frystinum svo ég ákvað að gera eitthvað meiriháttar úr honum. Ég eyddi fimm klukkutímum í þetta og árangurinn var versta súpa í heimi, sem allir neita að að borða, en verður samt í öll mál þangað til hún klárast. Maður hendir ekki humar," segir Doddi ákveðinn. Doddi var vanur að leita til ömmu sinnar og afa þegar hann þurfti ráðleggingar í matreiðslunni, en nú eru þau bæði fallin frá. "Ég fékk einhvern tíma humaruppskrift hjá ömmu, en ég mundi hana greinlega ekki nógu vel. Svo var þessi humar nú ekki alveg fyrsta flokks heldur." Doddi er mikill matmaður en borðar ekki sérstaklega hollan mat. "Mér finnst skyndibitinn bestur og svo auðvitað góðar steikur með feitum sósum.Nú er runninn upp tíminn þegar allt er grillað, það liggur við að coca puffsinu sé hent á grillið á morgnana. En ég er ekki einu sinni mjög velkominn við grillið. Mig langaði alveg að vera svona karl sem er alltaf að snúa við steikum í garðinum en konan mín treystir mér greinilega ekki nógu vel og sér um grillið sjálf." Doddi er með morgunþátt milli sjö og tíu á morgnana á Kiss FM 89,5 og svo spilar hann danslög á sömu stöð á laugardagskvöldum. "Ég er einn í morgunþættinum, en með nokkra fasta pósta. Þetta eru sérfræðingar í tísku, rómantík og erótík og svo er ég með stelpu sem hefur ekkert vit á fótbolta sem sér um enska boltann. Danslögin á laugardagskvöldum eru stuðlög síðastliðinna tíu ára og nú þegar ég er laus við samkeppnina frá Gísla Marteini og Spaugstofunni býst ég við landsmenn séu bara límdir við danslögin."
Matur Mest lesið Trylltist þegar hún varð fyrir árás byssumanna í Ríó Lífið Segir af sér eftir að Coldplay kom óvart upp um framhjáhaldið Lífið Stór saga í litlum umbúðum: „Barnæskan mín er greypt í minnið“ Lífið „Nú eruð þið farin að draga mig aftur inn í pólitíska umræðu“ Lífið Ingvar E. valinn besti leikarinn í Grikklandi Bíó og sjónvarp Grátbað um að fá að deyja en fagnar nú öllum framförum Lífið Krakkatían: Barbie, forseti og flugstöð Lífið Sætar og seiðandi einhleypar sumarskvísur Lífið Óskandi að það væru fleiri börn með Downs á Íslandi Lífið Millie Bobby Brown í hóp Íslandsvina Lífið Fleiri fréttir Óbarinn, með smjörklípu eða tabasco sósu: Alls konar harðfiskur fyrir útileguna Setur heilsuna í fyrsta sæti í sumar Sjá meira