Framganga Stöðvar tvö

Koma Bobby Fischer - Ásvaldur Kristjánsson rafeindavirki og áhorfandi Það að koma í veg fyrir að áhorfendur sjái og upplifi í beinni útsendingu móttökurnar er ótrúlegt. Það voru vonbrigði flestra að sjá þegar Bobby Fischer var leiddur beint inn í bíl á vegum Stöðvar 2. Stuðningsnefndin fékk hvorki tækifæri á að heilsa honum við komuna, né að veita honum ríkisfangsbréf sem gaman hefði verið að sjá í beinni útsendingu. Eðlilegt er að fjölmiðlar reyni að verða fyrstir með fréttirnar en frá hinum venjulega áhorfanda séð varð ekkert úr þessarri frétt. Hvaða frétt er það að einn fréttamaður spyrji hann um hverning honum líki það að vera komin til Íslands? Áhorfendur vildu sjá viðbrögð hans við fyrstu móttökunum á Reykjavíkurflugvelli og móttöku ríkisfangsins. Verði gerð heimildarmynd verður það aldrei sama upplifunin, hversu vel sem efninu verði gerð skil, því það verða liðnir atburðir. Að rúnta með manninn meðan aðrir fjölmiðlar fóru af vettvangi til þess eins að geta spurt hann nokkurra spurninga, var ekki það sem áhorfendur biðu eftir, það varð ekki frétt< /p>