Eftirsóttur í janúar

Talið er líklegt að nokkur lið í ensku úrvalsdeildinni muni fara í stríð um að fá framherjann Dean Ashton hjá Norwich til sín þegar félagaskiptaglugginn opnar í janúar. Ashton hefur alls ekki náð sér á strik hjá Norwich í 1. deildinni það sem af er vetri, en liðið hefur sömuleiðis tapað helmingi leikja sinna og valdið miklum vonbrigðum.

Manchester City þykir vera það lið sem líklegast er til að hreppa framherjann, sem skoraði grimmt undir lok síðustu leiktíðar þegar Norwich reyndi að bjarga sér frá falli úr úrvalsdeildinni. City á enn eitthvað að peningunum sem það fékk frá Chelsea fyrir Shaun Wright-Phillips á sýnum tíma og Stuart Pierce, stjóri City, hefur löngum haft augastað á framherjanum knáa.