TM hagnast um 208 milljónir

Tryggingamiðstöðin hagnaðist um 208 milljónir króna á öðrum ársfjórðungi. Það sem af er ári hefur félagið hagnast um 1.301 milljón en á sama tíma í fyrra var hagnaðurinn 333 milljónir króna. Stærstur hluti hagnaðarins er til kominn vegna fjármálastarfsemi en afkoma vátryggingastarfsemi er verri en greiningardeildir bankanna höfðu gert ráð fyrir. Hagnaður af þeim hluta rekstrarins var 64 milljónir á síðasta ársfjórðungi samanborið við 171 milljón í fyrra. Þar hefur strand frystitogarans Baldvins Þorsteinssonar áhrif, að því er fram kemur hjá greiningardeild Landsbankans.