Bakkavör í skotstöðu

Bakkavör Group jók í gær getur sína til kaupa á fyrirtækjum. Félagið stækkaði skuldabréfaflokk sinn um tvo milljarða að nafnvirði. Miðað við ávöxtunarkröfu flokksins á markaðnummá ætla að söluvirði útboðsins hafi verið um 2,3 milljarðar króna. Ætla má að markaðsvirið flokksins nú sé um tólf milljarðar króna. Bakkavör er með mikið eigið fé og hefur talsvert afl til kaupa á félagi. Flestir búast við að verkefnið sem er í sigtinu sé matvælafyrirtækið Geest. Bakkavör á 20 prósent í Geest. Geest er einnig vel fjármagnað félag og með aukinni skuldsetningu þarf Bakkavör ekki að leggja fram mikið eigið fé til yfirtöku. Geest hefur verið að kaupa eigin hlutabréf á markaði og er það til marks um að stjórnendur fyrirtækisins séu ekkert sérstaklega spenntir fyrir yfirtökuni. Líklegt er að Bakkavör hefji yfirtökutilraunir upp úr áramótum. Slíkar yfirtökur ganga jafnan betur fyrir sig séu þær í sátt við stjórnendur félags.