Teikning Lennons á uppboði

Teikning, sem John Lennon áritaði fyrir aðdánda sinn nokkrum mínútum áður en hann var myrtur, verður seld á uppboði á morgun. Búist er við að um 11-12 milljónir króna fáist fyrir hana. Lennon teiknaði tvö brosandi andlit og nafnið sitt á blað og gaf starfsmanni Record Plant hljóðversins. Hálftíma síðar skaut Mark Chapman Lennon fyrir utan heimili bítilsins í New York. Á meðal fleiri muna rokkstjarna, sem boðnir verða upp á morgun, eru fyrstu upptökur Prince frá því hann var 17 ára og bómullarskyrta sem Elvis Presley átti.