Olíuverð lækkar enn

Verð á hráolíu heldur áfram að lækka á fjármálamörkuðum. Í gær fór verðið niður í 46 Bandaríkjadali á tunnu. Verðið er þó enn mjög hátt í sögulegu samhengi. Hæst fór olíuverð í um 55 Bandaríkjadali en hefur farið hægt lækkandi síðan og er nú lægra en það hefur verið í tvo mánuði. Fjárfestar telja líkur á því að varabirgðir af olíu muni styrkjast á næstunni sökum þess að Opec ríkin framleiða nú meiri olíu á dag en þau hafa gert síðustu áratugi. Þá þykir ástanda í olíuframleiðslu í Nígeríu nú vera tryggara en áður og minni líkur taldar á því a verkföll komi til með að trufla framleiðsluna.