Fjórtán vilja í ráðgjöf

Fjórtán tilboð hafa borist Einkavæðinganefnd vegna ráðgjafar við sölu á Símanum. Að sögn Illuga Gunnarssonar, nefndarmanns og aðstoðarmanns utanríkisráðherra, var farið yfir tilboðin á fundi í gær. Að sögn Illuga er stefnt að því að nefndin semji um ráðgjöfina fyrir miðjan næsta mánuð. Frestur til að skila tilboðum í ráðgjöfina rann út á mánudag. Ekki er gefið upp hverjir sóttu um verkefnið en að sögn Illuga eru það bæði innlend fyrirtæki og útlensk auk þess sem nokkur tilboðin séu gerð í samstarfi íslenskra og erlendra fyrirtækja.