Hlutabréfin komin í 507 krónur

Hlutabréf í KB banka hækkuðu upp í 507 krónur á markaði í gær eftir hlutafjárútboðið í fyrradag, og hafa aldrei verið jafn hátt skráð. Lokagengi var 500 krónur og nam hækkun dagsins 1,1%, þótt loka gengið færi niður í sama gengi og var á bréfunum daginn fyrir útboðið. Þetta gríðar mikla útboð ruggar því ekki úrvalsvísitölunni í Kauphölllinni, en framvegis munu allar sveiflur í efnahag fyrirtækis á borð við KB banka á stærð, hafa þar sterk áhrif. Gengi í útboðinu var 480 krónur á hlut þannig að þeir sem keyptu þá fyrir væna fúlgu, hafa ávaxtað pund sitt vel á aðeins einum sólarhring, ef þeir seldu aftur í dag. Seldir voru hlutir í bankanum fyrir rúma fimmtíu milljarða króna og eftirspurn var eftir röskum tuttugu milljörðum í viðbót. Bankinn ætlar að nýta sér hið nýja fjármagn til frekari útrásar til Finnlands og Bretlands og í Bretlandi er sérstaklega búist við því að KB banki reyni yfirtöku á Friedland og Singerbankanum, sme KB banki á þegar fimmtungs hlut í.