Síminn ræður Skjá einum

Síminn ræður nú meirihluta Íslenska sjónvarpsfélaginu sem rekur Skjá einn. Síminn hefur keypt meirihluta í Fjölmiðlafélaginu, eignarhaldsfélagi sem á um tólf prósent í Íslenska útvarpsfélaginu. Þá hefur Íslandsbanki keypt þrettán prósent í Skjá einum og segir Orri Hauksson, framvæmdastjóri þróunarsviðs Símans, að kaup bankans séu gerði í náinni samvinnu við Símann. Þessir hlutir mynda, ásamt 26 prósenta beinum hlut Símans, meirihluta í félaginu. Orri segir að unnið sé að því að semja við aðra hluthafa annars vegar um kaup á hlutum þeirra og hins vegar um þátttöku í efnisveitufélagi sem meðal annars mun eiga Skjá einn. Aðalfundur Íslenska sjónvarpsfélagsins verður haldinn í næstu viku. "Í kjölfar hans er ætlunin að fá nyja fjárfesta inn í efnisveitufélagið sem mun eiga Skjá einn, Breiðvarpið og fleiri efnisflokka til stafrænnar sjónvarpsdreifingar," segir Orri. Því er haldið fram í fjölmiðlum að aðilar tengdir Norðurljósum hafi falast eftir að kaupa hlut í Skjá einum á síðustu dögum. Þessu neitar Skarphéðinn Berg Steinarsson stjórnarformaður. Hann segir að þeim hafi verið boðinn helmingshlutur til kaups á hálfan milljarð. "Við sýndum því fullkomið tómlæti og í því endurspeglaðist áhugi okkar á þeirri fjárfestingu," segir Skarphéðinn.