Hallinn minni í fyrra en talið var

Viðskiptahallinn við útlönd í fyrra var 32 milljarðar króna en ekki 43,5 milljarðar eins og bráðabirgðatölur Seðlabankans gerðu ráð fyrir. Í frétt frá Seðlabankanum kemur fram að skekkjan sé til komin vegna nýrra upplýsinga um vaxta- og arðgreiðslur. Þá kemur fram að afgangur á fjármagnsjöfnuði hafi verið mun minni í fyrra en áður var talið. Seðlabankinn segir uppgjör greiðslujafnaðar háð mikilli óvissu og endanlegar tölur komi ekki fram fyrr en að töluverðum tíma liðnum frá því að tímabili lýkur. Þetta er vegna þess að ýmsar upplýsingar sem notast er við eru ekki aðgengilegar fyrr.