Vanskil minnka

Vanskil í íslenska lánakerfinu voru 2,2 prósent af heildarútlánum í lok júní í ár. Um áramót var vanskilahlutfallið 3,1 prósent. Fram kemur á heimasíðu Fjármálaeftilitsins að vanskil hafi ekki verið minni síðan árið 2000. Hjá einstaklingum minnkuðu vanskil úr 5,5 prósent í 4,6 prósent en vanskil fyrirtækja lækkuðu úr 2,5 prósent í 1,7 prósent. Í lok júní námu vanskil í lánakerfinu 25,6 milljörðum króna en voru 29,5 milljarðar í árslok. Á þessu ári hafa útlán hækkað mjög á sama tíma og vanskil hafa minnkað - bæði hlutfallslega og í heildina.