Flint hneykslar á tískusýningu

Keith Flint, söngvari bresku rafsveitarinnar Prodigy, hneykslaði tískuspekinga í Mílanó í fyrradag er hann tróð klofi sínu í andlit eins karlmanns á meðal áhorfenda. Því næst hreyfði hann sig þannig eins og maðurinn væri að gefa sér munngælur. Næst sleikti hann andlit konu við hlið mannsins. Prodigy tók lagið á sýningu Donatellu Versace og átti að halda sér á sýningarpallinum. Flint lét sér það þó ekki nægja og hoppaði niður til áhorfenda. Hann lenti þó illa á fætinum og talað er um að hann hafi nánast fótbrotið sig. Því næst haltraði hann upp að áhorfendum þar sem hann lét öllum illum látum, með kynlífstilvísunum sínum. Dagblöð á Ítalíu halda því fram að þessi hegðun söngvarans sé hluti af auglýsingabrellu sveitarinnar, sem er í þann mund að gefa út nýja breiðskífu. Platan heitir Always Outnumbered, Never Outgunned, og kemur út í ágúst. Donatella Versace reyndi víst hvað hún gat til þess að forðast slíkt hneyksli. Fyrr um daginn bannaði hún Flint að klæðast stuttermabol sem hyllti Satan. Það hefur líklegast ekki skilað tilsettum árangri.