FIH kaup enn í skoðun

Sigurður Einarsson, stjórnarformaður KB banka, hefur ekki áhyggjur þótt nú séu liðnir þrír mánuðir síðan danska fjármálaeftirlitið fékk kaup KB á hinum danska FIH til umfjöllunar. Í danska blaðinu Jyllandsposten er vöngum velt yfir þessum töfum. Í frétt blaðsins segir að meðferð danska fjármálaeftirlitsins hafi tekið óvenjulega langan tíma. Til samanburðar er þess getið fjármálaeftirlitið danska hafi tekið mun skemmri tíma þegar kaup sænskur banki keypti Midtbanken og þegar RealDanmark sameinaðist Danske Bank. "Við erum rólegir yfir þessu," segir Sigurður. Hann segir KB banka hafa átt í bankaeftirlit í tíu löndum og að reynslan sé sú að þau taki þann tíma sem þau vilji. "Við höfum alltaf svarað þeim spurningum og fyrirspurnum sem koma og svo hefur þetta sinn gang," segir hann. "Við höfum alltaf verið að vonast itl þess að þetta verði í septemer. Ef það verður ekki þá bíðum við bara lengur. Þetta er ekkert stórmál," segir Sigurður.