Áhyggjur af stöðugleika

Ástæða er til þess að óttast að aðhald ríkisfjármála verði ekki nægjanlegt til þess að koma í veg fyrir óæskilega þenslu í efnahagslífinu að mati Samtaka atvinnulífsins. Hannes G. Sigurðsson, aðstoðarframkvæmdastjóri samtakanna, segir í leiðara að áhrif stýrivaxta Seðlabankans séu þverrandi þar sem alþjóðlegt vaxtastig hafi rutt sér til rúms gegnum erlend lán fyrirtækja og lækkandi vaxta á íbúðalánum. Bent er á að miðað við hagvaxtarspár hafi fjárlagafrumvarp ársins 2003 verið mun aðhaldsamara en frumvarpið fyrir árið 2005. Samtök atvinnulífsins segja afar brýnt að opinber fjármál verði aðhaldssöm á næstu árum og opinberar framkvæmdir í lágmarki. Þá eru yfirvöld hvött til þess að mæta fyrirséðum vinnuaflsskorti í byggingariðnaði með lipri og snurðulausri útgáfu atvinnuleyfa til útlendinga.