Verslanir Símans í nýjan búning

Breytingar á verslunum Símans standa nú sem hæst og verður unnið að því að breyta öllum verslunum Símans til samræmis við nýtt útlit fyrirtækisins. Í dag verður verslun Símans í Kringlunni opnuð með nýju útliti. Verslanirnar eru helsti snertiflötur viðskiptavinarins við fyrirtækið og er nauðsynlegt að þær endurspegli þá ímynd sem Síminn er að byggja upp í tengslum við mörkunarvinnuna. Nýtt útlit er nýtískulegt með fersku yfirbragði. Tæknin skiptir Símann miklu máli og þess vegna verða settar upp margmiðlunareiningar í allar verslanir sem hafa það að markmiði að sýna rafrænt hvernig þjónusta Símans virkar. Þá verður allt markaðs- og kynningarefni miðlægt þannig að það birtist í öllum verslunum Símans á sama tíma. Með tilkomu margmiðlunareininganna eykst áherslan á þjónustuþáttinn og á snertiskjám getur viðskiptavinurinn fræðst um þjónustu Símans. Auk þess verða fartölvur í öllum búðum þar sem viðskiptavinurinn getur farið inn á valdar heimasíður sér til fróðleiks. Verslunin á Egilsstöðum var sú fyrsta sem opnuð var í nýju útliti. Áætlað er að verkefnið í heild sinni klárist um mitt næsta ár og að þá verði allar verslanir Símans komnar í nýjan búning. Miklar vonir eru bundnar við að bætt aðgengi skili sér í formi ánægðra og tryggra viðskiptavina. Viðskiptavinum Símans bjóðast ýmis áhugaverð tilboð í tilefni breytinganna. Þar má nefna að unnendur Internetsins geta keypt sér þráðlaust Internet á 0 krónur og ýmis tilboð eru á GSM-símum og svokölluðum heimilissímum.