Umferð um kirkjugarðana

Sérstakar ráðstafanir hafa verið gerðar til að greiða sem mest fyrir umferð við Fossvogskirkjugarð og Gufuneskirkjugarð. Þeir sem ekki þurfa nauðsynlega að fara Bústaðaveg í dag eru hvattir til að velja sér aðrar leiðir. Umferð að Fossvogskirkjugarði fer um Bústaðaveg og Suðurhlíð. Þeir sem fara úr garðinum í Kópavog, Garðabæ eða Hafnarfjörð er bent á að fara niður Suðurhlíðina og út á Kringlumýrarbraut. Þeir sem fara í Gufuneskirkjugarð þurfa að hafa í huga að einstefna verður í gegnum garðinn þar sem farið verður inn frá Gagnvegi og umferð út úr garðinum ekur út á Borgaveg.