Jól

Jólasveinahúfur föndraðar

Allir þekkja rauðu og hvítu húfurnar sem jólasveinn hins vestræna heims hefur gert að einkennismerki sínu. Það er alveg sérstök tilfinning að setja á sig rauðu húfuna og jólin einhvern veginn koma strax á kollinum á manni. Auðvitað er hægt að kaupa jólasveinahúfur úti um allan bæ en miklu persónulegra er að sauma eða föndra sína eigin. Jafnvel er hægt að hóa fullt af fólki saman og gera húfuföndur að skemmtilegri kvöldstund á köldum vetrarkvöldum. Það er líka gaman að poppa upp hefðbundna húfu með einhverju skemmtilegu og leyfa ímyndunaraflinu að föndra líka. Allir þekkja rauðu og hvítu húfurnar sem jólasveinn hins vestræna heims hefur gert að einkennismerki sínu. Það er alveg sérstök tilfinning að setja á sig rauðu húfuna og jólin einhvern veginn koma strax á kollinum á manni. Auðvitað er hægt að kaupa jólasveinahúfur úti um allan bæ en miklu persónulegra er að sauma eða föndra sína eigin. Jafnvel er hægt að hóa fullt af fólki saman og gera húfuföndur að skemmtilegri kvöldstund á köldum vetrarkvöldum. Það er líka gaman að poppa upp hefðbundna húfu með einhverju skemmtilegu og leyfa ímyndunaraflinu að föndra líka. Efni:  Hæfilega mikið af rauðu filti. Hvítt efni í kant. Skæri. Nál og tvinni eða lím og hefti. Dúskur. Ýmislegt skraut sem finnst í föndurverslunum. Skref 1:  Mælið höfuðstærð á þeim sem húfuna á að fá. Klipptu út hálfhring úr rauðu efni. Hægt er að nota til dæmis filt eða venjulegan pappír.  Skref 2:  Gerið kramarhús úr rauða efninu og saumið saman. Pappírinn og efnið er einnig hægt að líma eða hefta saman.  Skref 3:  Klippið út renning úr hvítu efni sem notast sem kantur á húfuna. Breidd fer eftir smekk. Hægt er að líma eða sauma kantinn á.  Skref 4:  Saumið eða límið hvítan dúsk efst á húfuna.  Skref 5:  Skreytið húfuna að vild. Margt er hægt að gera til að gera jólasveinahúfuna öðruvísi en þessar hefðbundnu húfur. Hægt er að líma glimmerdoppur á rauða efnið eða kantinn. Einnig er hægt að sauma ýmislegt skraut í sjálfa húfuna og dúskinn. Afgangsefni er síðan hægt að nýta til að gera húfur á dúkkur eða sem skraut á jólatréð.


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



Velkomin á Vísi. Þessi vefur notar vafrakökur. Sjá nánar.