Slitnað gæti upp úr

Ekki er ólíklegt að stjórnendur Big Food Group slíti viðræðum um yfirtöku Baugs á félaginu. Mikill ágreiningur er um yfirtökuverð á félaginu en í kjölfar áreiðaneikakönnunar. Ólíklegt að Baugur vilji borga meira en 90 pens á hlut í félaginu en verðhugmyndir stjórnenda félagisns eru nær 110 pensum eins og lagt var upp með þegar viðræður hófust. Hlutabréf í Big Food Group kosta nú 87,5 pens á markaði sem bendir itl þess að fjárfestar telji yfirtöku á mikið hærra gengi sé ólíklegt. Rekstur verslana undir merkjum Big Food Group hefur ekki gengið vel upp á síðkastið og nýjustu tölur benda ekki til þess að breyting hafi orðið þar á. Ef stjórnendur slíta viðræðum við Baug getur Baugur reynt að eignast meirihluta í félaginu með uppkaupum á markaði en ekki er hægt að stofna til viðræða á ný fyrr en að hálfu ári liðnu. Gert er ráð fyrir að það komi í ljós á næstu vikum hvort stjórn félagsins og Baugur ná samkomulagi.