Hertar samkomutakmarkanir taka nú gildi
Hertar samkomutakmarkanir tóku gildi nú í hádeginu. Nú mega að hámarki hundrað koma saman og virða skal tveggja metra regluna. Innanlandssmitum hefur fjölgað um ellefu frá í gær og eru nú alls fimmtíu í einangrun hér á landi með virkt smit covid-19. Víðir Reynisson hjá Almannavarnadeild Ríkislögreglustjóra segir að smituðum sé að fjölga vegna þess að landsmenn hafi slegið slöku við í sóttvörnum.
