Tæplega sex þúsund Íslendingar eiga við verulegan spilavanda að stríða
Tæplega sex þúsund Íslendingar eiga við verulegan spilavanda að stríða og hátt í 700 eru hugsanlegir spilafíklar og flestir eru með fíkn í spilakassa. Spilakassar hafa verið lokaðir síðustu tvo mánuði vegna samkomubanns. Í Kompás sem sýndur er á Vísi í fyrramálið er rætt við þrjá spilafíkla sem allir segja lokunina hafa haft gífurlega góð áhrif og jafnvel bjargað lífi þeirra. Þeirra heitasta ósk er að spilakassarnir verði aldrei opnaður aftur.