300 þúsund án heimilis eftir sprenginguna í Beirút
Allt að 300 þúsund manns misstu heimili sín í hinni gríðarmiklu sprengingu sem varð í Beirút í Líbanon í gær. Tjónið vegna sprengingarinnar var þar að auki minnst þrír milljarðar bandaríkjadala og allt að fimm milljarðar. Marwan Abboud, ríkisstjóri héraðsins sem Beirút er í, segir að skemmdir hafi orðið á um helmingi bygginga í borginni allri.
