Hörðum sóttvarnaaðgerðum í Skagafirði verður aflétt
Hörðum sóttvarnaaðgerðum í Skagafirði verður aflétt á miðnætti en þar hafa verið víðtækar lokanir vegna hópsmits sem greindist í sveitarfélaginu um síðustu helgi. Fimm greindust með kórónuveiruna í gær, þar af fjórir í Skagafirði, en allir í sóttkví. Búist er við að fleiri muni greinast smitaðir í sveitarfélaginu á næstu dögum.