Íslenskt par talið hafa grætt 84 milljónir vegna sölu lyfseðilskyldra lyfja
Íslenskt par er grunað um að hafa grætt rúmlega 84 milljónir króna á sölu og dreifingu lyfseðilskyldra lyfja. Talið er að parið, ásamt tveimur öðrum, hafi kerfisbundið stundað hér glæpi í tæpan áratug. Lögreglan hefur miklar áhyggjur af því að ítök skipulagðra glæpahópa fari vaxandi í íslensku samfélagi.
