Víðtækt rafmagnsleysi vegna veðurs
Víðtækt rafmagnsleysi og truflanir hafa hlotist af óveðrinu sem nú geysar á landinu. Grenivík, Tröllaskagi, Dalvík, Húsavík, Siglufjörður og Sauðárkrókur eru án rafmagns svo dæmi séu tekin og nú rétt fyrir fréttir fór rafmagnið af á Austurlandi en forstjóri RARIK á von á því að rafmagninu verði komið á á Austurlandi á ný, áður en langt um líður.
