Guðjón Friðriksson heiðursborgari Reykjavíkur
Guðjón Friðriksson, sagnfræðingur og rithöfundur, var í dag sæmdur heiðursborgaratitli Reykjavíkurborgar við hátíðlega athöfn í Höfða. Guðjón hefur í hálfa öld verið áberandi í íslensku menningarlífi og í umsögn borgarinnar segir að hann hafi gert sögu borgarinnar aðgengilega almenningi og byggt brú milli fræðimennsku og daglegs lífs. Fáir, ef nokkrir, hafi gert meira til að lyfta upp sögulegri sjálfsmynd Reykjavíkur.
