Vincent Tchenguiz vill 200 milljónir punda frá SFO

Íranski kaupsýslumaðurinn Vincent Tchenguiz hefur stefnt bresku efnahagsbrotalögreglunni SFO. Hann krefst þess að fá tvö hundruð milljónir í skaðabætur, eða það sem nemur tæpum fjörutíu milljörðum króna. Mál SFO gegn Tchenguiz var fellt niður á síðasta ári en það var í tengslum við hrun íslenska bankakerfisins, einna helst Kaupþings.

Nær 200 vínbændur verða að hætta búskap í Beaujolais

Allar líkur eru á að tæplega 200 vínbændur í héraðinu Beaujolais í Frakklandi verði að hætta búskap og selja jarðir sínar.

ESB rannsakar ríkisstuðning við FIH bankann í Danmörku

Framkvæmdastjórn Evrópusambandsins hefur gert alvarlegar athugasemdir við hvernig dönsk stjórnvöld ákváðu að bjarga FIH bankanum frá hruni á síðasta ári.

Liborvaxtasvindlið kostar RBS 100 milljarða í sekt

Royal Bank of Scotland (RBS) mun í dag tilkynna um dómsátt vegna þáttar bankans í Liborvaxtasvindlinu svokallaða.

Kostnaður SFO alls 745 milljónir króna

Rannsókn bresku efnahagsbrotadeildarinnar (SFO) á falli Kaupþings hefur kostað stofnunina 745 milljónir króna. Tveir þriðju hlutar þeirrar upphæðar er tilkominn vegna þess að SFO var gert að greiða málskostnað bræðranna Vincents og Roberts Tchenguiz, sem voru á meðal þeirra sem voru til rannsóknar.

Bandarísk stjórnvöld stefna S&P

Lánshæfismatsfyrirtækið Standard & Poor's býst við því að bandaríska ríkið muni lögsækja fyrirtækið vegna einkunna sem fyrirtækið gaf fasteignalánum, árið 2007, í aðdraganda að fjármálakreppunni. Um er að ræða svokölluð undirmálslán sem hafa jafnan verið talin ein af helstu orsökum fjármálakreppunnar sem skók allan heiminn.

Rajoy ætlar að birta yfirlit yfir eignir sínar

Mariano Rajoy, forsætisráðherra Spánar, segir að stjórnvöld muni leggja meiri áherslu á gagnsæi og baráttu gegn spillingu, með það fyrir augum að endurheimta traust íbúa landsins, en mótmæli í stærstu borgum Spánar, þar sem megininntakið er barátta gegn spilltri stjórnsýslu, hafa verið fjölmenn undanfarna mánuði.

Ítalska mafían með meiri veltu en orkurisinn Eni

Ný úttekt á vegum Sameinuðu þjóðanna sýnir að veltan af glæpastarsemi ítölsku mafíunni nemur 116 milljörðum evra á ári. Þessi upphæð er hærri en nemur veltunni hjá orkurisanum Eni sem er stærsta fyrirtæki landsins.

Barclays bankinn í rannsókn vegna al-Thani fléttu

Rannsókn er hafin á viðskiptum Barclays bankans í Bretlandi við al-Thani fjölskylduna í Katar en þessi viðskipti eru hliðstæð þeim sem Kaupþing átti við einn af meðlimum þessarar fjölskyldu korteri fyrir hrunið 2008.

Verulega dró úr hagnaði Facebook

Verulega dró úr hagnaði Facebook á fjórða ársfjórðungi í fyrra miðað við sama tímabil árið áður.

Nýtt grænlenskt flugfélag í burðarliðnum

Nýtt grænlenskt flugfélag er í burðarliðnum en það á að heita Greenland Express.

Tunnan af Brent olíunni komin yfir 115 dollara

Heimsmarkaðsverð á olíu heldur áfram að hækka þótt dregið hafi úr hækkun þess á Asíumörkuðum í nótt í kjölfar nýrra upplýsinga um að landsframleiðsla Bandaríkjanna hafi dregist aðeins saman á fjórða ársfjórðungi síðasta árs.

Ástandið á Spáni versnar enn

Landsframleiðsla á Spáni dróst saman á þriðja ársfjórðungi ársins í fyrra um 0,7 prósent frá ársfjórðunginum á undan, og um 1,8 prósent miðað við sama tímabil í fyrra. Þá sýna nýjustu tölur um smásöluverslun á Spáni að hún var mun verri í desember á síðasta ári heldur en árið 2011, en smásalan dróst saman um 10,7 prósent milli ára, að því er segir í frétt á vef Wall Street Journal í dag.

Fjársvik kosta Merrild Kaffe nærri 5 milljarða

Umfangsmikil fjársvik í Brasiliu hafa kostað danska kaffiframleiðandann Merrild yfir 200 milljónir danskra króna eða hátt í 5 milljarða króna.

Mesti hagnaður Nordea bankans í sögunni

Norræni stórbankinn Nordea skilaði methagnaði á síðasta ári eða rúmlega 4 milljörðum evra sem samsvarar um 700 milljörðum króna. Fyrra met bankans var árið 2007 þegar hagnaðurinn nam 3,9 milljörðum evra.

Hneykslið hjá Banca Monte gæti skaðað orðspor Mario Draghi

Hneykslið sem nú skekur elsta banka heimsins, hinn ítalska Banca Montre dei Paschi, gæti haft áhrif á komandi þingkosningar á Ítalíu og það gæti einnig skaðað orðspor Mario Draghi bankastjóra Evrópska seðlabankans.

Boðar hagvöxt í Grikklandi í lok ársins

Yannis Stournaras fjármálaráðherra Grikklands segir að það versta sé að baki í efnahagshremmingum landsins og að hann eigi von á hagvexti í landinu í lok þess árs og á því næsta.

Heimsmarkaðsverð á olíu fer hækkandi

Heimsmarkaðsverð á olíu hefur farið hækkandi undanfarna daga og er tunnan af Brent olíunni nú komin í 113.5 dollara.

Fundu risavaxið olíusvæði í ástralskri eyðimörk

Ástralska orkufyrirtækið Linc Energy segist hafa fundið risavaxið olíusvæði í eyðimörk í suðurhluta Ástralíu.

Elsti banki heimsins í miklum erfiðleikum

Elsti banki heimsins, Banca Monte dei Paschi á Ítalíu, glímir við miklar erfiðleika þessa stundina og þarf á aðstoð frá hinu opinbera til að geta haldið áfram starfsemi sinni.

Exxon komið á toppinn eftir fall Apple

Olíufélagið Exxon Mobil er aftur orðið verðmætasta fyrirtæki heims, eftir fallandi verð á hlutabréfum í Apple að undanförnu. Exxon trónaði á toppnum frá árinu 2005 og allt til ársins 2011 þegar Apple skaut því ref fyrir rass á blómatíma tæknirisans.

Enn eitt hagnaðarmetið hjá Samsung

Hagnaður suður-kóreska raftækjaframleiðandans Samsung á síðasta ársfjórðungi ársins 2012 jókst um 76 prósent samanborið við árið á undan. Heildarhagnaðurinn nam 6,6 milljörðum Bandaríkjadala, eða sem nemur 858 milljörðum króna.

Verð á gasolíu í Rotterdam ekki verið hærra í áratugi

Meðalverðið á gasolíu á Rotterdammarkaði í fyrra nam 945 dollurum á tonnið og hefur ekki verið hærra í áratugi. Til samanburðar var meðalverð ársins á undan 918 dollarar á tonnið.

Úkraína semur við Shell um gasvinnslu

Stjórnvöld í Úkraínu hafa samið við Royal Dutch Shell olíufélagið um vinnslu á gasi þar í landi.

Merkel hvatti leiðtoga til þess að halda einbeitingu

Angela Merkel, kanslari Þýskalands, hvatti leiðtoga úr stjórnmálum og atvinnulífi, sem eru samankomnir í Davos í Sviss, til þess að halda einbeitingu og hugsa um að bæta efnahagsástandið í löndum sínum. Beindi hún orðum sínum ekki síst til stjórnmálaleiðtoga Evrópu, sem hún sagði að hefði skyldum að gegna, og þeir mættu ekki missa móðinn.

Sextíu prósent atvinnuleysi hjá ungmennum á Spáni

Atvinnuleysi á Spáni hefur náð nýjum hæðum. Sextíu prósent atvinnubærra Spánverja undir tuttugu og fimm ára aldri er nú án atvinnu. Þetta kemur fram í nýjum tölum sem yfirvöld á Spáni birtu í dag.

Gríðarlegur hagnaður Ikea

Hagnaður sænska húsgagnaframleiðandans Ikea jókst um átta prósent á síðasta ári. Nettó hagnaður fyrirtækisins nam tæpum fimm hundruð og fimmtíu milljörðum króna á meðan heildartekjur þess námu rúmlega fjögur þúsund og sjö hundruð milljörðum.

Skattar á fjármagnshreyfingar færast nær

Fjármálaráðherrar Evrópuríkja hafa gefið grænt ljós á það að ríki álfunnar setji skatt á fjármagnshreyfingar, með það að markmiði að gera fjármálakerfi ríkjanna öruggari og traustari.

Jeroen verður næsti leiðtogi Eurogroup hópsins

Jeroen Dijsselbloem fjármálaráðherra Hollands hefur verið kosinn sem formaður svokallaðs Eurogroup eða hóps fjármálaráðherra evrusvæðsins. Hann tekur við stöðunni af Jean-Claude Junkers.

Atvinnuleysi í heiminum heldur áfram að aukast

Nýjar tölur frá Alþjóða vinnumálastofnuninni sýna að fimm árum eftir að hin alþjóðlega fjármálakreppa hófst heldur atvinnulausum áfram að fjölga í heiminum.

Meirihlutaeigendur Bakkavarar vilja Lýð burt úr stjórnarformennsku

Hluthafar í Bakkavör vilja að Lýður Guðmundsson hverfi úr starfi sínu sem stjórnarformaður félagsins, á meðan ákæra á hendur honum er til meðferðar í dómskerfinu. Lýður og Ágúst bróðir hans eru stærstu eigendur félagsins en Arion banki og lífeyrissjóðir standa gegn því að þeir nái meirihluta í félaginu.

Spá hnignun hjá Apple

Tæknirisinn Apple mun á miðvikudag opinbera uppgjör sitt fyrir síðasta ársfjórðung 2012. Margir reikna með því að í fyrsta skipti í níu ár hafi Apple ekki aukið hagnað sinn á milli fjórðunga.

Hagvöxtur í Kína eykst á ný

Staða efnahagsmála í Kína hefur verið að batna að undanförnu og mældist hagvöxtur 7,9 prósent á síðasta ársfjórðungi ársins 2012, samanborið við 7,4 prósent ársfjórðunginn á undan.

Verðbólgan mælist 1,9% í Danmörku

Verðbólgan í Danmörku mældist 1,9% í desember s.l. eða nokkuð undir meðaltalinu í ríkjum Evrópusambandsins sem var 2,3% verðbólga.

Fundað um neyðarlán til Kýpur, Kýpurbúar með ás upp í erminni

Fjármálaráðherrar evrusvæðisins funda í dag um hvort veita eigi Kýpur meira af neyðarlánum en þegar hefur verið ákveðið. Kýpurbúar eru með öflugan ás upp í erminni.

Blankfein fékk tæplega þriggja milljarða bónus

Llyod Blankfein, stjórnarformaður og forstjóri bandaríska fjárfestingabankans Goldman Sachs, fékk á föstudaginn bónusgreiðslu upp á 13,3 milljónir Bandaríkjadala, eða sem nemur 1,7 milljarði króna, vegna ársins 2012. Greiðslan var í formi hlutfjár í bankanum

Boeing hættir afhendingu á öllum Dreamliner þotum

Flugvélaframleiðandinn Boeing hefur ákveðið að hætta afhendingu á öllum Dreamliner þotum sem seldar hafa verið þar til vandamálið með rafgeymana í þessum þotum hafa verið leyst.

Repúblikanar munu samþykkja hækkun á skuldaþakinu

Leiðtogar Repúblikana í fulltrúadeild bandaríska þingsins hafa ákveðið að berjast ekki gegn því að skuldaþak Bandaríkjanna verði hækkað í næsta mánuði. Þetta var ákveðið á fundi þeirra í gærkvöldi.

Forstjóri Google: "Vörur Facebook eru lélegar“

Larry Page, forstjóri og annar stofnenda tæknirisans Google, segir að stjórnendur samskiptasíðunnar Facebook hafi staðið sig afar illa við þróun vefsíðunnar síðustu misseri. Page lét ummælin falla í viðtali við bandarísku tæknifréttasíðuna Wired, stuttu áður en Facebook opinberaði endurbætta leitarþjónustu sína. Með breytingunum sækir Facebook nú á markað Google.

Aldrei verið fleiri austurevrópskir verkamenn í Danmörku

Fjöldi verkamanna frá Austur Evrópu hefur aldrei verið meiri í Danmörku. Þetta kemur fram í nýjum tölum frá vinnumálastofnun landsins.

„Orkuþjóðin“ ætlar að stórauka raforkusölu til Evrópu

Norðmenn telja að sala á raforku um sæstrengi til Evrópu geti orðið afar ábatasamur atvinnuvegur fyrir Noreg á næstu árum, og ætla sér að stórauka raforkuvinnslu og sölu. Jens Stoltenberg tilkynnti um þetta í ávarpi á ársfundi Samtaka atvinnulífsins í Noregi, NHO, þar sem hann flutti erindi auk olíumálaráðherrans, Ole Borten Moe.

Hagvöxtur í Kína minnkaði töluvert í fyrra

Töluvert dró úr hagvexti í Kína, næststærsta hagkerfi heimsins, á síðasta ári miðað við fyrra ár. Hagvöxturinn mældist 7,8% í fyrra en hann nam 9,3% árið 2011. Hefur hagvöxturinn ekki verið minni síðan um aldamótin.

Samþykkt að rannsaka skattsvik ráðherra í Grikklandi

Gríska þingið hefur samþykkt að rannsakað verði hvort fyrrverandi fjármálaráðherra landsins, Giorgos Papakonstantinou, hafi reynt að koma í veg fyrir rannsókn á skattsvikum þriggja ættmenna sinna.

Nú er hægt að hringja í gegnum Facebook

Stjórnendur Facebook staðfestu í dag að notendur samskiptasíðunnar í Bandaríkjunum geti brátt hringt í tengiliði sína í gegnum snjallsíma, sér að kostnaðarlausu.

Fann risavaxinn gullmola að verðmæti 40 milljónir

Ástralskur maður sem hefur gullgröft sem áhugamál datt heldur betur í lukkupottinn í gærdag. Hann fann gullmola sem var 5,5 kíló að þyngd en verðmæti hans nemur yfir 40 milljónum króna.