Papademos varar við efnahagshamförum ef neyðarlán fást ekki

Gríska þingið og fjármálaráðherrar Evrópusambandsríkja eiga enn eftir að samþykkja aðgerðaáætlun um mikinn niðurskurð ríkisútgjalda til þess að Grikkland geti fengið 130 milljarða evra neyðarlán frá Evrópusambandinu og Alþjóðagjaldeyrissjóðnum. Fimm ráðherrar í ríkisstjórn Lucas Papademos forsætisráðherra sögðu af sér í dag vegna ágreinings um nýja ríkisfjármálaáætlun landsins, en viðræður vegna hennar hafa staðið yfir í meira en tvo mánuði.

Lánshæfi 34 ítalskra banka lækkað

Lánshæfismatsfyrirtækið Standard & Poor's lækkaði í dag lánshæfi 34 ítalskra banka vegna slæmra framtíðarhorfa í landinu. Einkunnin lækkaði í janúar sl. um tvo flokka, úr A í BBB+ og því hefur einkunnin lækkað um þrjá flokka á skömmum tíma.

Barclays bankinn hagnaðist um 5,9 milljarða punda í fyrra

Breski bankinn Barclays hagnaðist um 5,9 milljarða punda í fyrra, eða sem nemur um ríflega 1.100 milljörðum króna.

Forstjóri Pimco gefur lítið fyrir áætlun Grikkja

Mohamed El-Erian forstjóri Pimco stærsta skuldabréfasjóðs heimsins og einn af helstu þungaviktarmönnunum í alþjóðlegum fjármálum gefur lítið fyrir samkomulagið sem grísku stjórnarflokkarnar lögðu fyrir fund fjármálaráðherra evrusvæðisins í gærkvöldi.

FIH bankinn tapaði 26 milljörðum í fyrra

FIH bankinn í Danmörku tapaði 1,2 milljörðum danskra króna á síðasta ári, eða um 26 milljörðum króna.

Skýrsla FBI um Steve Jobs opinberuð

Skýrsla Alríkislögreglunnar í Bandaríkjunum um Steve Jobs hefur nú verið opinberuð. Í vitnisburði trúnaðarvina Jobs kemur fram að tækni frömuðurinn hafi verið ósvífinn og svikull.

Samkomulag um afskriftir fasteignaskulda í höfn

Samkomulag sem snertir meira en milljón íbúa í Bandaríkjunum, sem eru eigendur fasteigna, hefur náðst á milli ríkja, lánastofnanna og yfirvalda um sátt vegna vandamála er tengist fasteignaskuldum.

Samkomulag um niðurskurð í Grikklandi

Grískir stjórnmálamenn hafa náð samkomulagi um niðurskurðaraðgerðir sem nauðsynlegt er að ráðast í til þess að landið geti fengið lánafyrirgreiðslu.

Fimmtíu milljörðum punda varið í að örva hagvöxt

Breski seðlabankinn hefur ákveðið að verja fimmtíu milljörðum punda í að örva efnahagslífið og styðja við hagvöxt. Að þessu meðtöldu hefur bankinn þá sett um 325 milljarða punda inn í breskt efnahagslíf til þess að örva vöxt.

Aðalhagfræðingur: Grikkir munu svíkja gefin loforð

Grikkir munu ekki standa við neitt af þeim loforðum sem gefin verða Alþjóðagjaldeyrissjóðnum og Evrópusambandinu. Um leið og þeir hafa fengið nýjasta neyðarlán sitt munu Grikkir steingleyma öllu sem þeir lofuðu um niðurskurð og sparnað í rekstri hins opinbera þar í landi.

Hagnaður Danske Bank undir væntingum

Hagnaður Danske Bank nam 1,7 milljörðum danskra króna, eða um 37 milljarðar króna eftir skatta á síðasta ári. Þetta er töluvert minni hagnaður en sérfræðingar áttu von á.

Real Madrid er áfram auðugasta fótboltalið heimsins

Spænska úrvalsdeildarliðið Real Madrid heldur stöðu sinni sem auðugasta fótboltalið heimsins, sjöunda árið í röð.

Allt í hnút í Grikklandi

Forsætisráðherra Grikklands, Lucas Papademos, tókst ekki að ná samkomulagi við forystumenn grískra stjórnmálaafla um aðgerðir í ríkisfjármálum, til þess að geta fengið 130 milljarða evra neyðarlán frá Evrópusambandinu og Alþjóðagjaldeyrissjóðnum. Fundi í kvöld lauk án niðurstöðu, að því er segir á vef breska ríkisútvarpsins BBC.

Heimsmarkaðsverð á olíu hækkar að nýju

Heimsmarkaðsverð á olíu fer aftur hækkandi. Tunnan af bandarisku léttolíunni er komin í tæpa 100 dollara og hefur hækkað um tæp 4% á nokkrum dögum. Tunnan af Brentolíunni fór yfir 116 dollara markið í morgun.

Markaður fyrir ódýrar kvikmyndir að stækka

Markaður fyrir ódýrar kvikmyndir hefur stækkað hratt undanfarin misseri í Bandaríkjunum. Í undantekningatilfellum borga dýrar kvikmyndir sig og er þá hægt að græða mikla ef vel tekst til.

Nemendur fengu allir spjaldtölvur

Danska sveitarfélagið Odder spjaldtölvuvæddi alla grunnskólanema og kennara. Kennslubækurnar settar beint inn á tölvurnar frá forlögum. Nemendurnir himinlifandi. Kennararnir segja þá einbeittari.

Rekstur Toyota gekk vonum framar

Rekstur japanska bílaframleiðandans Toyota gekk vonum fram á síðasta fjórðungi síðasta árs þrátt fyrir að hagnaður félagsins hafi dregist saman um 13,5 prósent miðað við sama tímabil árið á undan. Hagnaður Toyota var ríflega einn milljarður dala eða sem nemur 122 milljörðum króna. Búist hafði verið við því að hagnaðurinn myndi dragast meira saman en sú varð ekki raunin.

Mitt Romney kominn í bæinn

Mitt Romney, sem líklegur er sem frambjóðandi Repúblikanaflokksins í forsetakosningunum í nóvember, er umdeildur í Bandaríkjunum. Ekki síst eru það afskipti hans af fjárfestingaverkefnum í gegnum félagið Bain Capital þar sem hann er enn meðal hluthafa.

Mikil fjölgun á árásum tölvuþrjóta í Danmörku

Árásum tölvuþrjóta á tölvur og tölvukerfi í Danmörku fjölgaði um 25% í fyrra miðað við árið á undan. Þessir glæpamenn eru einkum á höttunum eftir persónulegum upplýsingum sem þeir geta notað til að stela fé af kreditkortum eða bankareikningum.

Icelandair hækkaði um tæp 3 prósent

Gengi bréfa í Icelandair Group hækkaði um 2,83 prósent í dag og stendur gengið nú í 5,45. Eftir að fjárhagur Icelandair Group var endurskipulagður, og félagið skráð, þá var gengi bréfa 2,5. Markaðsvirði félagsins hefur því meira en tvöfaldast frá þeim tíma.

AGS hvetur Kínverja til aðgerða

Alþjóðagjaldeyrissjóðurinn (AGS) hvetur Kínverja til þess að bregðast við merkjum um mögulegan efnahagssamdrátt í landinu á næstu mánuðum og árum. Þetta kemur fram á vef Wall Street Journal í dag.

Allt á fullu í Indónesíu

Hagvöxtur í Indónesíu mældist 6,5 prósent samkvæmt tölum sem hagstofa landsins birti í morgun. Þetta er mesti hagvöxtur í landinu síðan 1996, eða í fimmtán ár, að því er segir í frétt á vef breska ríkisútvarpsins BBC.

Suður-Ameríku ríkið Chile vex og vex

Hagkerfið í Suður-Ameríku ríkinu Chile hefur vaxið mikið undanfarin áratug. Landið byggir hag sinn á utanríkisviðskiptum og sértækum tvíhliða fríverslunarsamningum við stór ríki.

Gjaldþrot Grikklands virðist óumflýjanlegt

Gjaldþrot Grikklands virðist óumflýjanlegt en stjórnarflokkar landsins náðu ekki samkomulag um helgina um þær aðgerðir sem nauðsynlegar eru til þess að landið fái nýtt neyðarlán upp á 130 milljarða evra frá Alþjóðagjaldeyrissjóðnum og Evrópusambandinu.

Fleiri ríki í Bandaríkjunum íhuga að taka upp eigin mynt

Óvissan um framtíð dollarans hefur valdið því að fleiri ríki í Bandaríkjunum eru að íhuga að taka upp eigin mynt.

Evran tíu ára

Þann fyrsta janúar 2002 var ráðist í stærstu peningalegu aðgerð veraldarsögunnar. Þá var gjaldmiðlum tólf aðildarríkja Evrópusambandsins skipt út fyrir evruseðla og -myntir, og á aðeins örfáum dögum gjörbreyttist lífið í löndunum.

Neyðarfundur boðaður í Grikklandi

Lucas Papademos, forsætisráðherra Grikklands, mun funda með helstu stjórnmálamönnum í dag.

Sheryl Sandberg er launahæsti starfsmaður Facebook

Þó svo að Mark Zuckerberg sé andlit samskiptasíðunnar Facebook þá er hann ekki launahæsti starfsmaður fyrirtækisins. Þann heiður hlýtur Sheryl Sandberg.

Besti dagur á markaði í marga mánuði

Hlutabréf í Bandaríkjunum náðu methæðum í dag þegar nýjar tölur um atvinnuleysi voru birtar. Tölurnar voru miklu hagstæðari en menn áttu von á.

Líf þitt á Facebook verður að kvikmynd

Hvort sem þér líkar það betur eða verr, þá mun Facebook skikka þig til að breyta síðunni þinni í svokallaða tímalínusíðu á næstu dögum eða vikum. Lítið hefur verið kvartað undan tímalínunni sem virðist nokkuð kærkomin viðbót við þetta stærsta samskiptanet allra tíma.

Bono meðal stórra hluthafa í Facebook

Facebook, sem er á leiðinni á skráðan hlutabréfamarkað, birti í gærkvöldi upplýsingar um reksturinn á síðasta ári. Heildartekjurnar námu 3,7 milljörðum dollara eða sem nemur 458 milljörðum króna. Hagnaðurinn af rekstrinum nam ríflega einum milljarði dollara. Bono, söngvari U2, á 1,5 prósenta hlut í fyrirtækinu sem er virði tæplega 100 milljarða króna.

Undarleg þróun á olíumörkuðum heimsins

Undarleg þróun hefur átt sér stað á olíumörkuðum heimsins. Bandaríska léttolían hefur lækkað töluvert á meðan Brentolían hækkar í verði.

Evrópa í kreppu en Noregur blómstrar

Á meðan flestar Evrópuþjóðir glíma við skuldir og kreppu hafa Norðmenn sjaldan haft það jafngott í sögu sinni og þessa stundina.

Segir félagslegan ójöfnuð vera tifandi tímasprengju

Josef Ackermann, forstjóri Deutsche Bank, segir að sá félagslegi ójöfnuður sem ríki í heiminum sé tifandi tímasprengja. Ackermann segir í samtali við BBC að sú kvöð hvíli á bankamönnum að þeir fari ekki offari þegar kemur að greiðslu launabónusa.

Tveir sjóðir gerðu tilboð í Iceland

Tveir fjárfestingarsjóðir, Bain Capital og BC Partners, lögðu fram tilboð í Iceland Foods verslunarkeðjuna áður en tilboðsfresturinn rann út þriðjudaginn var. Þetta hefur Reuters eftir ónafngreindum heimildum.

Helstu vísitölur hækkuðu

Það var bjart yfir mörkuðum í dag, bæði vestanhafs og í Evrópu. S&P 500 hækkaði um 0,11%, Nasdag hækkaði um 0,40% og Dow hækkaði um 0,41%. Í Evrópu hækkaði aftur a´móti FTSE um 0,09. Þýska DAX vísitalan hækkaði um 0,59% og hin franska CAC 40 hækkaði um 0,27%.

Deutsche Bank afskrifar 66 milljarða vegna Actavis

Deutsche Bank hefur afskrifað 407 milljónir evra eða um 66 milljarða króna vegna Actavis í bókum sínum en bankinn yfirtók að mestu eignarhaldið að félaginu fyrir tæpum tveimur árum síðan. Þetta er mun hærri upphæð en bankinn hefur þurft að afskrifa vegna grískra ríkisskuldabréfa.

Ríflega fjórðungur Dana nær ekki endum saman

Kreppan hefur leikið Dani svo grátt að ríflega fjórðungur heimila landsins nær ekki endum saman lengur og á í erfiðleikum með að borga reikninga sína.

60 milljónum punda eytt í leikmenn

Liðin í ensku úrvalsdeildinni í knattspyrnu eyddu 70% minna í leikmenn í janúar heldur en á sama tíma í fyrra. Samtals var eytt um 60 milljónum punda, 11,5 milljörðum króna, í leikmenn samkvæmt útreikningum endurskoðunarfyrirtækisins Deloitte í Bretlandi.

Brandarinn um Íra og Íslendinga ekki lengur fyndinn

Þegar Írar lentu í fjármálakreppunni sinni fyrir um þremur árum síðan sló einn brandari í gegn: Hver er munurinn á Íslandi og Írlandi? Einn bókstafur og sex mánuðir.

Marel hagnaðist um 5,4 milljarða

Marel hagnaðist um 34,5 milljónir evra á árinu 2011, eða sem nemur 5,4 milljarða króna. Tekjur félagsins jukust um 15 prósent frá fyrra ári og námu 668 milljónum evra, eða sem nemur 106 milljörðum króna.

Danske Bank varar við kaupum á hlutum í Facebook

Danske Bank hefur varað fjárfesta við kaupum á hlutum í Facebook en skráning vefsíðunnar á markað stendur fyrir dyrum.

Hagnaður Amazon dregst saman

Hagnaður Amazon, sem hefur tekjur sínar af sölu á varningi á netinu og sölu á Kindle-lestrartölvunni, dróst saman á síðasta ársfjórðungi samanborið við árið á undan. Hlutabréf í Amazon lækkuðu um 8 prósent þegar upplýsingar um samdráttinn lágu fyrir og voru kynntar fjárfestum í kauphöllinni í New York.

Greint frá tilboðum í Iceland í dag

Greint verður frá tilboðum í Iceland Foods verslunarkeðjuna í dag en frestur til að skila inn tilboðum rann út í gærkvöldi.

15% vinnandi eru útlendingar

Um það bil 15 prósent af vinnandi fólki í Noregi eru erlendir ríkisborgarar. Þetta kemur fram í fjölmiðlum þar í landi, en samkvæmt upplýsingum frá skattayfirvöldum voru 2.560.000 starfandi í fyrra og þar af voru 387.103 útlendingar.